នៅសាកលវិទ្យាល័យ FPT - សាខាកឹងធើ គណៈកម្មាធិការមជ្ឈិមរណសិរ្សមាតុភូមិវៀតណាម បានចាត់តាំងពិធីបើកកម្មវិធីហ្វឹកហាត់ផ្សព្វផ្សាយសកម្មភាពអភិវឌ្ឍសមត្ថភាពឌីជីថល ឆ្នាំ២០២៦។
លោក ង្វៀងហាយណាម អនុប្រធានការិយាល័យស្ថាប័ននៃគណៈកម្មាធិការមជ្ឈិមរណសិរ្សមាតុភូមិវៀតណាម លោកស្រីង្វៀងហ្វែជី សមាជិកគណៈកម្មាធិការបក្សទីក្រុង អនុប្រធានគណៈកម្មាធិការរណសិរ្សមាតុភូមិវៀតណាមទីក្រុងកឹងធើ ព្រមទាំងកម្មាភិបាលជាង ៤០០ នាក់ មកពីគណៈកម្មាធិការរណសិរ្សមាតុភូមិវៀតណាមឃុំ សង្កាត់ អង្គការនយោបាយ - សង្គមរបស់ទីក្រុង សមាគមនិងអង្គការមហាជននានាដែលបក្ស រដ្ឋ ប្រគល់ភារកិច្ចលើភូមិឋានទីក្រុង បានអញ្ជើញចូលរួមកម្មវិធី។
អ្នកតំណាងទាំងឡាយអញ្ជើញចូលរួមពិធីបើកកម្មវិធីហ្វឹកហាត់។
ថ្លែងនៅក្នុងកម្មវិធីនេះ លោកង្វៀងហាយណាម បានបញ្ជាក់ពីការលើកកម្ពស់សមត្ថភាពឌីជីថលដល់កម្មាភិបាល សមាជិកសម្ព័ន្ធយុវជន សមាជិកសមាគម មានអត្ថន័យជាក់ស្តែង រួមចំណែកផ្លាស់ថ្មីវិធីសាស្ត្រសកម្មភាព លើកកម្ពស់ប្រសិទ្ធភាពការងារនិងបម្រើប្រជាជនបានល្អ។ ហេតុនេះ កម្មវិធីហ្វឹកហាត់ដើម្បីបំពាក់ចំណេះដឹង បំណិនឌីជីថលជាក់ស្តែង ជួយសិក្ខាកាមអនុវត្តបច្ចេកវិទ្យាឌីជីថលទៅក្នុងការងារនិងការរស់នៅ។ ទន្ទឹមនឹងនោះ លើកកម្ពស់ស្មារតីការពារទិន្នន័យឯកជន កំណត់ដឹងនិងបញ្ចៀសហានិភ័យនៃការបាត់បង់សុវត្ថិភាពលើប្រព័ន្ធអ៊ីនធឺណិត។
ក្នុងអំឡុង ២ ថ្ងៃ (ថ្ងៃទី២៩ និងទី៣០ ខែតុលា) សិក្ខាកាមបានឃោសនិកហ្វឹកហាត់អំពីបំណិនកំណត់ដឹងហានិភ័យនិងកសាងប្រព័ន្ធការពារឌីជីថល; បំណិនប្រើប្រាស់អ៊ីនធឺណិតនិងបណ្តាញសង្គមសុវតិ្ថភាព និងមានការទទួលខុសត្រូវ; បំណិនដោះស្រាយឧបទ្ទវហេតុការពារទិន្នន័យនិងរក្សាសុវត្ថិភាពប្រព័ន្ធ។ ឆ្លងតាមរយៈនោះ ជួយកម្មាភិបាល សមាជិកសម្ព័ន្ធយុវជន សមាជិកសមាគម លើកកម្ពស់ប្រសិទ្ធភាពគ្រប់វិស័យការងារ បម្រើការយ៉ាងមានប្រសិទ្ធភាពសម្រាប់កម្មវិធីនិងសកម្មភាពរបស់គណៈកម្មាធិការរណសិរ្សមាតុភូមិវៀតណាមទីក្រុងនិងប្រព័ន្ធនយោបាយទីក្រុង៕
ក្វឹកថាយ-មុនី
Ý kiến bạn đọc