ឆ្ពោះដល់ថ្ងៃទី១៥ ខែវិច្ឆិកា ឆ្នាំ២០២៦ បណ្តាភូមិនៃឃុំឡុងភូ ទីក្រុងកឹងធើ កំពុងសកម្មអនុវត្តការងារត្រៀមរៀបចំការបោះឆ្នោតជ្រើសរើសប្រធានភូមិ អាណត្តិកាល ២០២៦ - ២០៣១។ ការងារត្រៀមបម្រុងបានអនុវត្តដោយធានានូវលក្ខណៈប្រជាធិបតេយ្យ បើកចំហ ត្រឹមត្រូវតាមសេចក្ដីកំណត់ បង្កបរិយាកាសរីករាយដើម្បីឱ្យប្រជាជនអញ្ជើញទៅបោះឆ្នោតជ្រើសរើសអ្នកតំណាងដែលសក្តិសម។
យោងតាមសារលិខិតលេខ ៥៤៤៩/UBND-NC ចុះថ្ងៃទី២១ ខែកញ្ញា ឆ្នាំ២០២៦ គណៈកម្មាធិការប្រជាជនទីក្រុងកឹងធើ ឯកភាពរៀបចំការបោះឆ្នោតជ្រើសរើសប្រធានគណះប្រជាជនភូមិ ប្រធានគណះប្រជាជនតំបន់ អាណត្តិកាល ២០២៦ - ២០៣១ នៅថ្ងៃអាទិត្យ ទី១៥ ខែវិច្ឆិកា ឆ្នាំ២០២៦។ អាណត្តិកាលរបស់ប្រធានភូមិគឺ ០៥ឆ្នាំ ដោយគិតចាប់ពីឆ្នាំ២០២៦ដល់ឆ្នាំ២០៣១។ នេះជាសកម្មភាពមានអត្ថន័យសំខាន់បំផុត ដើម្បីពង្រឹងអង្គភាពស្វ័យគ្រប់គ្រងក្នុងសហគមន៍ប្រជាជន ជ្រើសរើសអ្នកដែលមានគុណធម៌ សមត្ថភាព និងអ្នកមានប្រិយភាពដើម្បីធ្វើជាអ្នកតំណាង គិតគូរដល់ផលប្រយោជន៍ស្របច្បាប់ជូនប្រជាជន។
ទិដ្ឋភាពកិច្ចប្រជុំផ្សព្វផ្សាយផែនការចាត់តាំងការបោះឆ្នោតជ្រើសរ់ើសប្រធានគណះប្រជាជនភូមិ នៅឃុំឡុងភូ។
ដើម្បីធានាឱ្យការបោះឆ្នោតប្រព្រឹត្តទៅត្រឹមត្រូវតាមផែនការ គណៈកម្មាធិការប្រជាជនឃុំឡុងភូ ក្រៅពីកសាងផែនការ និងតម្រូវការឱ្យលេខាសាខាបក្ស ប្រធានគណៈប្រជាជនបណ្តាភូមិ ម្ចាស់ការសហការជាមួយគណៈកម្មាធិការរណសិរ្សមាតុភូមិវៀតណាមឃុំ និងប្រធានគណៈការងងាររណសិរ្សភូមិ ត្រៀមរៀបចំបុគ្គលិក មូលដ្ឋានសម្ភារៈ និងលក្ខខណ្ឌចាំបាច់នានា។ ទន្ទឹមនឹងនោះ ជំរុញការផ្សព្វផ្សាយអំពីគោលការណ៍ អត្ថន័យនៃការបោះឆ្នោត ជួយឱ្យប្រជាជនយល់ច្បាស់អំពីសិទ្ធិ និងការទទួលខុសត្រូវរបស់ខ្លួនក្នុងការជ្រើសរើសអ្នកតំណាងនៅតំបន់ប្រជាជនរស់នៅ។
ឃុំឡុងភូផ្សព្វផ្សាយផែនការចាត់តាំងការបោះឆ្នោតជ្រើសរើសប្រធានគណះប្រជាជនភូមិ អាណត្តិកាល ២០២៦ – ២០៣១។
សមមិត្តយឿងថាញត្វង អនុលេខាប្រចាំការគណៈកម្មាធិការបក្សឃុំ ប្រធានក្រុមប្រឹក្សាប្រជាជនឃុំឡុងភូ បានឱ្យដឹង៖ “ការងារត្រៀមរៀបចំបុគ្គលិកធានាត្រឹមត្រូវតាមបទដ្ឋាន មានលក្ខខណ្ឌគ្រប់គ្រាន់តាមសេចក្ដីកំណត់ ការបង្កើតក្រុមបោះឆ្នោត និងការចាត់តាំងកិច្ចប្រជុំប្រជាជនត្រូវអនុវត្តឱ្យបានត្រឹមត្រូវ ព្រមៗគ្នា និងឯកភាពនៅទាំង១៤ភូមិ។ បណ្តាស្ថាប័ន អង្គភាពពាក់ព័ន្ធត្រូវបង្កើនកិច្ចសហការ ម្ចាស់ការត្រៀមបម្រុងឱ្យបានគ្រប់សព្វនូវលក្ខខណ្ឌចាត់តាំង ដោះស្រាយទាន់ពេលវេលានូវការលំបាក ជំពាក់ជំពិន ធានាឱ្យការបោះឆ្នោតប្រព្រឹត្តទៅប្រកបដោយប្រជាធិបតេយ្យ បើកចំហ តម្លាភាព ត្រឹមត្រូវតាមលំដាប់ បែបបទ និងពេលវេលាកំណត់”។
ទន្ទឹមនឹងការផ្សព្វផ្សាយផែនការ គណៈកម្មាធិការរណសិរ្សមាតុភូមិវៀតណាមឃុំនៅទាំងចាត់តាំងកិច្ចប្រជុំណែនាំអំពីការឧទ្ទេសនាមបេក្ខជនឈរឈ្មោះបោះឆ្នោតជ្រើសរើសប្រធានគណះប្រជាជនភូមិ និងសមាជិកគណៈអធិការកិច្ចប្រជាជន អាណត្តិកាល ២០២៦ - ២០៣១។ តំណាងទាំងឡាយក៏បានណែនាំអំពីសមាសភាព លក្ខខណ្ឌ បទដ្ឋានបុគ្គលិក បណ្តាជំហានក្នុងដំណើរការបោះឆ្នោត របៀបប្រើប្រាស់បណ្តាលិខិតស្នាមគំរូនិងការធ្វើកំណត់ហេតុតាមសេចក្ដីកំណត់។ យោងតាមនោះ កម្មាភិបាលរណសិរ្សបណ្តាភូមិគប្បីក្តាប់ឱ្យច្បាស់នូវបែបបទ លើកកម្ពស់ការទទួលខុសត្រូវក្នុងការងារសហការអនុវត្ត រួមចំណែកបន្ថយកំហុសឆ្គងក្នុងដំណើរការចាត់តាំង។
ជាមួយនឹងការត្រៀមបម្រុងយ៉ាងហ្មត់ចត់និងប្រកបដោយការទទួលខុសត្រូវ ការបោះឆ្នោតជ្រើសរើសប្រធានគណះប្រជាជនភូមិ អាណត្តិកាល ២០២៦ - ២០៣១ លើភូមិឋានឃុំឡុងភូ ទីក្រុងកឹងធើ សង្ឃឹមថានឹងទទួលបានជោគជ័យយ៉ាងល្អប្រសើរ។ តាមរយៈនោះ បន្តពង្រឹងអង្គភាពស្វ័យគ្រប់គ្រងសហគមន៍ បង្កជាកម្លាំងចលករកសាងប្រព័ន្ធរដ្ឋអំណាចមូលដ្ឋានកាន់តែរឹងមាំ៕
សុខកា - ថាច់ធី
Ý kiến bạn đọc